|
|
 |
|
 კონტაქტი |
01.09.2010 |
ვენეციის 67-ე საერთაშორისო კინოფესტივალი დღეს იხსნება |
 |
 |
 |
 |
| |
 დღეს, ვენეციის 67-ე საერთაშორისო კინოფესტივალი გაიხსნება. საკონკურსო პროგრამაში 23 ფილმია ჩართული. საკონკურსო ჩვენება დარენ არონოფსკის ფილმის „შავი გედი\" ჩვენებით გაიხსნება, რომელშიც მთავარ როლს ნატალი პორტმანი ასრულებს.
საკონკურსო პროგრამაში წარმოდგენილია სოფი კოპოლას „სადღაც\" (Somewhere), მონტე ჰელმანის „გზა არსაით\" (Road to Nowhere), კელი რიჰარდის „მიკის ბილიკი\" (Meek\'s Cutoff), ვინსენტ გალოს „წყალზე დაწერილი დაპირებები\" (Promises Written on Water), ჯულიან შანაბელის „მირალი\" (Miral), რიჩარ ლუისის „ბარნის ვერსია\" (Barney\'s Version), რომელშიც მთავარ როლს დასტინ ჰოფმანი ასრულებს.
იტალიური კინო ფესტივალზე წარმოდგენილი იქნება შემდეგი ფილმებით: „ჩვენ გვჯეროდა\" (Noi credevamo), რეჟისორი მარიო მარტონე, „ვნება\" (La passione) რეჟისორი კარლო მაცაკურატი, „ცალკეული რიცხვების მარტოობა\" (La solitudine dei numeri primi), რეჟისორი სავერიო კოსტანცო, „საძაგელი ცხვრები\" (La pecora nera), რეჟისორი ასკანიო ჩელესტინი.
მაყურებელი ფესტივალზე შემდეგ ფრანგულ ფილმებს იხილავს: ფრანსუა ოზონის „ლარნაკს\" (Potiche), ანტონი კორდეს „რამდენიმე იღბლიანს\" (Happy Few), აბდელ კეშიშის „შავ ვენერას\" (Venus noir).
საკონკურსო ჩვენებაში ასევე წარმოდგენილი იქნება „სამი\" (Drei) (ტომ ტიკვერი), „სევდიანა ბალადა ტრომბონისთვის\" (Balada triste de trompeta) (ალეკს დე ლა იგლესია), „ატენბერგი\" (Attenberg) ათენი რახელ ცანგარი (Athina Rachel Tsangari), „ჰერაკლე\" (ალექსეი ფედორჩენკო), „13 მკვლელი\" (ეიჩი კუდო), „ნორვეგიის ტყე\" (tran arx xungi), „დეტექტივი დი და გამჭირვალე ცეცხლის საიდუმლო\" (Detective Dee and the Mystery of Phantom Flame) (ცუ ჰარკი), „კვეთა\" (Phantom Flame) (პაბლო ლარაინი), „აუცილებელი მკვლელობა\" (ეჟი სკოლიმოვსკი).
ფესტივალის ჟიურის კვენთინ ტარანტინო უხელმძღვანელებს. ჟიურის შემადგენლობაში არიან ინგებორგა დაპკუნაიტე, დენი ელფმანი, ანრო დეპლეშანი, გაბრიელ სალვატორესი, ლუკა გუადანინიო და გილმერო არიაგა.
ფესტივალი 11 სექტემბერს საზეიმოდ დაიხურება. |
|
 |
|
 |
|
|
25.08.2010 |
შონ კონერის დაბადებიდან 80 წელი შეუსრულდა |
|
|
|
|
| |
 დღეს, 25 აგვისტოს, ცნობილ მსახიობს, შონ კონერის დაბადებიდან 80 წელი შეუსრულდება. შოტლანდიელი მსახიობი და პროდიუსერი ტომას შონ კონერი 1930 წლის 25 აგვისტოს ედინბურგში, შოტლანდიაში დაიბადა. მისი მშობლები იყვნენ იოსეფ კონერი და ეუფანია ც. ეფი. მსახიობის პირველი მეუღლე იყო დაიანა კილენტო (1962-1973), 1975 წლიდან კი იგი მიჩელინა როქუენბრუნზეა დაქორწინებული.
შონ კონერი არის ოსკარის, ოქროს გლობუსის და BAFTA-ს მფლობელი შოტლანდიელი მსახიობი და პროდიუსერი. 1987 წელს მან მოიგო ოსკარი საუკეთესო მეორეხარისხოვანი როლის შესრულებისთვის ფილმში „ხელშეუხებლები\".
შონ კონერი კინემატოგრაფიაში 1954 წლიდან მოღვაწეობს. იგი უამრავ ცნობილ ფილმშია გადაღებული. ასრულებს სპაიკის როლს ფილმში „უკან დასახევი გზა მოჭრილია\", მეფე რიჩარდ I-ის როლს ფილმში „რობინ ჰუდი\", ჯეიმზ ბონდის როლს ფილმებში „დოქტორი ნოუ\", „რუსეთიდან სიყვარულით\", „გოლდფინგერი\", „სფერული ელვა\", „შენ მხოლოდ ორჯერ ცოცხლობ\", „ალმასები სამუდამოდ\", „არასოდეს თქვა არასოდეს\" და სხვა. |
|
|
|
|
|
|
|
|
დაჭერისას ბნელ ეკრანს ხედავთ, თქვენს კომპიუტერში არ
არის 
ცნობილი იაპონელი დირიჟორი სეიძი ოძავა მის მიერ დაარსებულ ფესტივალ Saito Kinen-ს ქალაქ მაცამუტოში ხსნის. მაესტრო 9 თვის მანძილზე არ გამოდიოდა სცენაზე, რადგან ყელის კიბოს მკურნალობდა.
75 წლის დირიჟორის პულტთან გამოჩენას მსმენელი ოვაციებით შეხვდა. ოძავას ხელმძღვანელობით ორკესტრმა სიმებიანი ორკესტრისთვის დაწერილი ჩაიკოვსკის „სერენადა\" შეასრულა.
2010 წლის იანვარში იძავას დიაგნოზი დაუსვეს, ოპერაცია გაუკეთეს და ყველა კონცერტი, რომელიც მანამდე დაიგეგმა, გაურკვეველი დროით გადადეს. ოძავას მომდევნო კონცერტი ნიუ-იორკულ კორნეგი-ჰოლში გაიმართება.
საიძი ოძავამ სახელი ფართო რეპერტუარით და დირიჟორობის ექსცენტრული მანერით გაითქვა. 29 წლის ასაკში მსოფლიოს ერთ-ერთ საუკეთესო, ბოსტონის სიმფონიურ ორკესტრს ხელმძღვანელობდა, ხოლო 2002 წლიდან ვენის სახელმწიფო ოპერის მუსიკალური ხელმძღვანელია.
ჯონ ვუმ ვენეციის კინოფესტივალის "ოქროს ლომის" მფლობელი გახდა კინემატოგრაფის განვითარების საქმეში შეტანილი წვლილისთვის.
დაჯილდოების შემდეგ ჯონ ვუმ განაცხადა, რომ შოკირებული დარჩა, როცა გაიგო, რომ პრიზი მას გადაეცემოდა და ახალი ამბავი თავდაპირველად ხუმრობა ეგონა.
ჟიურიმ გადაწყვეტილება იმით ახსნა, რომ ჯონ ვუს მონტაჟის სტილმა უდიდესი გავლენა მოახდინა "აქშნის" ჟანრის განვითარებაზე.
ჯონ ვუმ პირველი ფილმი 70-იანი წლების ჰონკონგში გადაიღო. 1993 წელს ჰოლივუდში გადავიდა. 1996 წელს აშშ-ში მან შექმნა ფილმი "გატეხილი ისარი", რომელშიც ჯონ ტრავოლტა თამაშობდა. ხოლო 2 წლის შემდეგ ნიკოლას ქეიჯთან ერთად გადაიღო ფილმი "უსახო". ეს უკანასკნელი კომერციულ ჰიტად გადაიქცა და კრიტიკოსებმაც დადებითად შეაფასეს. მომდევნო წლებში ვუ "მისია შეუსრულებელია 2"-ის რეჟისორიც იყო.
ბოლო წლებში რეჟისორი თავისი ფილმებისთვის ლეგენდურ და ისტორიულ სიუჟეტებს ირჩევს.
რუსეთში მოღვაწე კინორეჟისორი და პროდიუსერი ჯანიკ ფაიზიევი 2008 წლის აგვისტოში რუსეთ საქართველოს ომის შესახებ ფილმს გადაიღებს. ფილმის სახელწოდება იქნება „აგვისტო. რვა\". თავად რეჟისორი აცხადებს, რომ იგი პაციფისტურ ფილმს გააკეთებს. ინფორმაციას ამის შესახებ ოსური მედია ავრცელებს.
„ჩვენთვის, ისევე როგორც ყველა ხალხისათვის ეს ერთგვარი უბედურებაა, რომელიც ოროივე მხრიდან, ჩვეულებრივი ხალხისათვის ტრაგედიაა. ჩვენ ვცდილობთ გავაკეთოთ სრულიად პაციფისტური ფილმი და მასში არავინ არც კარგად და არც ცუდად არ გამოვიყვანოთ. ჩვენ ვიღებთ მხატვრულ და არა პოლიტიკურ ფილმს, არადოკუმენტალურს. ჩვენ გვაღელვებს ადამიანი და მისი „სვე-ბედი\", _ აცხადებს რეჟისორი.
ფილმის გადაღება ჯერ არ დაწყებულია. აღნიშნული ფილმი იქნება ერთ-ერთი პირველი პროექტი ფიოდორ ბონდარჩუკისა და კონსტანტინე ერნსტის საპროდიუსერო კომპანიისაა „გლავკინო\". ფილმის დაფინანსებისათვის ხარჯები რუსეთის ბიუჯეტიდან გამოიყოფა სოციალურად მნიშვნელოვანი კინემატოგრაფის ფარგლებში.
დომენიკო დოლჩეს და ესტეფანო გაბანას სადებიუტო ფილმში მთავარ როლს მონიკა ბელუჩი ასრულებს. სურათი Quando Quando Quando, რომლის ტრეილერი კარგა ხანია, გავრცელებულია ინტერნეტ-სივრცეში, ჯუზეპე ტორნატორეს \"მალენას\" (2000 წ.) ხასიათისა იქნება.
ლამაზ ქვრივ მალენას (მას მონიკა ასრულებს) მამაკაცები აღტაცებით და გზნებით გმირსაც, რომელიც რომის ქუჩებში სეირნობს. ფილმი სტილისტიკით 50-იანების იტალიას მოაგონებს მნახველს, როგორც Dolce & Gabbana-ს შემოდგომა-ზამთრის კოლექცია.
დიზაინერების სადებიუტო ფილმის პრემიერა 7 სექტემბერს შედგება.
ჯონ კიუსაკი ედგარ ალან პოს ითამაშებს ჯეიმს მაკტიგის ფილმში \"ყორანი\" (\"The Raven\"). სურათი გაქირავდება 2011 წელს.
რეჟისორის სიტყვით, ეს არ იქნება ბიოგრაფია და ფინჩერის \"შვიდის\" მსგავსი ტრილერი იქნება. XIX საუკუნის 50-იანი წლების ბალტიმორში მანიაკი გამოჩნდა. მისი დანაშაულები ედგარ ალან პოს მოთხრობების შინაარსს ეყრდნობა.
\"დანაშაულის ადგილას ის ყოველთვის უტოვებს მწერალს მინიშნებას. პომ დანაშაულის ჩადენამდე უნდა მოახერხოს მისი მოქმედებების აღკვეთა\", - ხსნის რეჟისორის ყორნის\" ჩანაფიქრს.
კომპანია „სონის" ტრილერი „ტურისტი", რომელშც ჯონი დეპი და ანჟელინა ჯოლი თამაშობენ, ეკრანებზე 2010 წლის 11 დეკემბერს გამოვა.
ფილმის სიუჟეტის მიხედვით, ამერიკელი ტურისტი ფრენკი, რომლის როლსაც ჯონ დეპი ასრულებს, იტალიაში ჩადის და იქ ელიზი (ანჟელინა ჯოლი) შეუყვარდება. თუმცა მოგვიანებით ირკვევა, რომ ელიზი ფრენკის საკუთარი მიზნებისთვის გამოყენებას ცდილობს და ის სულაც არ არის ადამიანი, რომლადაც ფრენკს გაეცნო.
ფილმში ასევე მონაწილეობენ ტიმოტი დალტონი და პოლ ბეტანი. ფილმის რეჟისორია ოსკარის მფლობელი ფლორიან ჰენკელ ფონ დონერსმარკი.
ანჯელინა ჯოლის ახალ ფილმში გადაიღებენ, რომელშიც 1992-1995 წლებში ბოსნიის ომი იქნება აღწერილი. ამის შესახებ სარაევოში თავისი მოულოდნელი ვიზიტისას მსახიობმა განაცხადა.
ფილმში მოთხრობილი იქნება შეყვარებულ წყვილზე და მათ ცხოვრებაზე ომის ტრაგიკული მოვლენების გავლენის შესახებ.
ჯერჯერობით არ ვრცელდება ინფორმაცია ფილმის რეჟისორის შესახებ. ცნობილია მხოლოდ, რომ სამსახიობო ანსამბლის უმეტესი ნაწილი ადგილობრივი ძალებით დაკომპლექტდება.
მსახიობის განცხადებით ფილმი აპოლიტიკური მელოდრამა იქნება.
ფილმის გადაღებები შემოდგომაზე დაიწყება.
სოჭში, საზღვაო პორტის მიმდებარე მოედანზე, დაიდგა ცნობილი საბჭოთა ფილმის, „ბრილიანტის ხელის\", სკულპტურული კომპოზიცია.
კომპოციზია ადგილობრივი ბიზნესმენების ხარჯით დაიდგა. მისი ავტორები არიან ვიაჩესლოვ ზვანოვი და ვიაჩესლავ ბუტაევი.
სკულპტურიულ კომპოიზიციაში ასახულია ფილმის კადრი, როდესაც გორბუკოვების ოჯახი სემიონ სემიონოვიჩს (იური ნიკულინი) საზღვარგარეთის კრუიზში უშვებს.
კომპოზიციის სოჭში დადგმა განაპირობა იმ გარემოებამ, რომ ფილმის გადაღებები სწორედ ამ ქალაქის პორტში მიმდინარეობდა.
